मुंबई : मुंबईहून नाशिककडे जात असताना एका अज्ञात वाहनाने कट मारल्यामुळे एक कार महामार्गाजवळील नाल्यात जाऊन एका दरडीला धडकली. या अपघातात मुंबई महानगरपालिकेचे उपायुक्त प्रशांत गायकवाड यांच्या पत्नी राजश्री प्रशांत गायकवाड (वय ४५) यांचा दुर्दैवी मृत्यू झाला असून एक जण जखमी झाला आहे.

राजश्री प्रशांत गायकवाड आपल्या नातेवाईकांसोबत नाशिककडे जात असताना कसारा बायपासजवळील साईबाबा खिंड येथील उतारा दरम्यान कारला अज्ञात वाहनाने ओव्हरटेक करतेवेळी कट मारली. यावेळी कार चालकाचे गाडीवरील नियंत्रण सुटले व कार नाल्यात जाऊन एका महाकाय दरडीवर आदळली. त्यात राजश्री प्रशांत गायकवाड यांच्या डोक्याला गंभीर दुखापत झाली, तर मनोज शिलेदार यांचा पाय अडकून पडल्याने त्यांना दुखापत झाली. राजश्री गायकवाड यांना रुग्णवाहिकेतून कसारा प्राथमिक आरोग्य केंद्रात आणण्यात आले. परंतु अतिरक्तस्त्रावामुळे त्यांचा उपचारादरम्यान मृत्यू झाला.