छत्रपती संभाजीनगर : कॉकरोच जनता पार्टीचे संस्थापक अभिजित दीपके यांनी क्रांती घडवून आणली आहे. त्यामुळे त्यांना सुरक्षा व्यवस्था मिळाली पाहिजे, अशी मागणी मंत्री आणि शिवसेना नेते संजय शिरसाट यांनी रविवारी केली.
छत्रपती संभाजीनगरमधील वाळूंज एमआयडीसी परिसरात दीपके यांच्या कुटुंबाची भेट घेतल्यानंतर पालकमंत्री शिरसाट यांनी पत्रकारांशी संवाद साधला. आपले दीपके यांच्याशी २५ वर्षांपासून कौटुंबिक संबंध असल्याचे त्यांनी नमूद केले. आंदोलनाच्या काळात आपण या कुटुंबाला भेटण्याचे टाळले, कारण त्यावेळी त्या भेटीकडे राजकीय दृष्टिकोनातून पाहिले गेले असते संबंध जोडला गेला असता असेही ते म्हणाले.
आंदोलन मागे घेतल्यानंतरही टायफॉइड झाल्यामुळे अभिजित दीपके अद्याप घरी परतलेले नाहीत, तरी त्यांना संरक्षण दिले पाहिजे, असे शिरसाट म्हणाले.
त्यांचे आई-वडील चिंतेत होते, कारण प्रत्येक पालकाला आपली मुले सुरक्षित राहावी असेच वाटते. ते माझ्या कुटुंबासारखे आहेत आणि मी येथे केवळ पालकमंत्री म्हणून आलो नव्हतो. अभिजित महाराष्ट्रात पोहोचल्यावर त्यांना सुरक्षा पुरवली पाहिजे. यासंदर्भात मी मुख्यमंत्री देवेंद्र फडणवीस यांच्याशी बोलणार आहे,” असे शिरसाट म्हणाले.
ते आधी दीपके यांच्या कुटुंबाला भेटायला गेले नाहीत कारण त्याकडे राजकीय दृष्टीकोनातून पाहिले गेले असते. शिरसाट यांनी सांगितले की, ते दीपके कुटुंबाला २५ वर्षांहून अधिक काळापासून ओळखतात, असे ते म्हणाले.