मुंबई : गुजरातला उद्योगधंदे पळविणारे लालबाग राजाच्या दर्शनासाठी मुंबईत येत आहेत. यांच्या मनात आले तर लालबागचा राजा गुजरातला नेतील, अशी टीका शिवसेना खासदार संजय राऊत यांनी केंद्रीय गृहमंत्री अमित शहा यांच्यावर केली आहे.

अमित शहा देशाचे गृहमंत्री आहेत, गृहमंत्री असल्याने त्यांना मुंबईत येण्याची परवानगीची गरज नाही. लालबागच्या राजाच्या दर्शनाला ते येतायेत, येऊद्यात. पण मला सारखी भीती वाटते की, ज्याप्रमाणे मुंबईतले अनेक उद्योग, अनेक संस्था त्यांनी गुजरातला पळवल्या त्याप्रमाणे ते एक दिवस लालबागचा राजा गुजरातला नेणार नाहीत ना. शहा काहीही करू शकतात, अशा शब्दांत राऊत यांनी अमित शहा यांच्यावर हल्लाबोल केला. शरद पवार यांच्या डोक्यात काय चालते हे देवेंद्र फडणवीस यांना खरेच कळले असते तर देवेंद्र फडणवीस यांची अवस्था बिकट झाली नसती. फडणवीस यांच्या डोक्यात मेंदू आहे का, अशी टीका राऊत यांनी केली.