Facebook,X
महाराष्ट्र

विधानसभेसाठी मनसेचे दोन उमेदवार जाहीर; शिवडीतून बाळा नांदगावकर, पंढरपूरमधून दिलीप धोत्रे रिंगणात

मुंबईतील शिवडी आणि पंढरपूर मंगळवेढा या दोन विधानसभा मतदारसंघांसाठी मनसेने सोमवारी आपले उमेदवार जाहीर केले.

Swapnil S

सोलापूर : अलीकडेच झालेल्या लोकसभा निवडणुकीत भाजपला बिनशर्त पाठिंबा देणारा मनसे पक्ष आगामी विधानसभा निवडणुकीत स्व:बळावर लढणार हे आता निश्चित झाले आहे. मुंबईतील शिवडी आणि पंढरपूर मंगळवेढा या दोन विधानसभा मतदारसंघांसाठी मनसेने सोमवारी आपले उमेदवार जाहीर केले. शिवडीतून माजी आमदार बाळा नांदगावकर आणि पंढरपूरमधून दिलीप धोत्रे यांना उमेदवारी देण्यात आली आहे. मनसे अध्यक्ष राज ठाकरे यांनी स्वत: या दोन उमेदवारांची घोषणा केली.

मनसे अध्यक्ष राज ठाकरे सध्या महाराष्ट्र दौऱ्यावर आहेत. सोमवारी ते सोलापूर येथे होते. सोलापूर शासकीय विश्रामगृहात राज ठाकरे यांनी मनसेच्या दोन विधानसभा उमेदवारांच्या नावाची घोषणा केली. शिवडी विधानसभा मतदारसंघातून बाळा नांदगावकर आणि पंढरपूर विधानसभा मतदारसंघातून दिलीप धोत्रे यांना उमेदवारी देण्यात आली आहे. याबाबत पत्रक जारी केल्याचे मनसेचे नेते शिरीष सावंत यांनी सांगितले.

महाराष्ट्र विधानसभा निवडणूक जवळ आली असून राजकीय पक्षांकडून उमेदवार निवडीला वेग आला आहे. मनसेने मात्र जोर करत आपले दोन उमेदवारी जाहीर केले. विधानसभा निवडणुकीत स्व:बळावर लढणार असल्याचा नारा राज ठाकरे यांनी आधीच दिला होता. लोकसभा निवडणुकीत मात्र मनसेने महायुतीला बिनशर्त पाठिंबा दिला होता.

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

मुंबईकरांनो, टॅक्सीचालकांची मनमानी आता थांबणार; पश्चिम रेल्वेच्या 'या' स्थानकांवर सुरू होणार प्रीपेड टॅक्सी सेवा

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद