मुंबई: आम्ही तीन पिढ्या वीजबिल भरलेले नाही. डीपी जळाला की हजार-दोन हजार रुपये इंजिनिअरला देतो आणि डीपी आणून बसवतो, असे वादग्रस्त विधान शिंदे गटाचे नेते व केंद्रीय मंत्री प्रतापराव जाधव यांनी केले आहे.
निवडणुकीच्या तोंडावर मुख्यमंत्री एकनाथ शिंदे यांच्या सरकारने शेतकऱ्यांची वीजबिले माफ करण्याचा मोठा निर्णय घेतला आहे. त्या पार्श्वभूमीवर दस्तुरखुद्द मुख्यमंत्र्यांच्याच पक्षाचे व केंद्रीय मंत्रिपद भूषवणारे प्रतापराव जाधव यांनी स्वतःच आपण तीन पिढ्यांपासून वीजबिल भरत नसल्याची आपल्याच कबुली देऊन मुख्यमंत्र्यांना अडचणीत आणल्याचे बोलले जात आहे.