मुंबई : मुंबई महापालिकेला पाणीपुरवठा करणाऱ्या पिसे येथील 'न्यूमॅटिक गेट सिस्टिम’च्या वार्षिक परिरक्षणाचे काम हाती घेतले जाणार आहे. मंगळवार, २७ जानेवारीपासून शनिवार, ७ फेब्रुवारीपर्यंत हे काम चालणार आहे. त्यामुळे शहर विभाग आणि पूर्व उपनगरांतील बहुतेक प्रशासकीय विभागांचा पाणीपुरवठा प्रभावित होणार आहे. या कालावधीत शहर विभाग व पूर्व उपनगरांमध्ये १० टक्के पाणीकपात लागू करण्यात‍ येणार आहे. तसेच ठाणे व भिवंडी महापालिकेच्या हद्दीतील ज्या भागास बृहन्मुंबई महापालिकेतर्फे पाणीपुरवठा होतो त्या भागांमध्येदेखील ही १० टक्के पाणीकपात लागू राहणार आहे.

'या' भागात १० टक्के पाणी कपात

शहर

• ‘ए’ विभाग - नेव्हल डॉकयार्ड क्षेत्र

• ‘बी’ विभाग - संपूर्ण विभाग

• ‘सी’ विभाग - भेंडी बाजार, बोहरी मोहल्ला, घोगरी मोहल्ला क्षेत्र

• ‘ई’ विभाग - पूर्ण विभाग

• ‘एफ दक्षिण’ विभाग - संपूर्ण विभाग

• ‘एफ उत्तर’ विभाग - संपूर्ण विभाग

पूर्व उपनगरे

• ‘टी’ विभाग - मुलुंड (पूर्व) आणि (पश्चिम) क्षेत्र

• ‘एस’ विभाग - भांडुप, नाहूर, कांजूरमार्ग आणि विक्रोळी (पूर्व) क्षेत्र

• ‘एन’ विभाग - विक्रोळी, घाटकोपर (पूर्व), घाटकोपर

• 'एल’ विभाग - कुर्ला (पूर्व) क्षेत्र

• ‘एम पूर्व’ विभाग – संपूर्ण विभाग

• ‘एम पश्चिम’ विभाग – संपूर्ण विभाग