मुंबई : मुंबईत अनंत चतुर्दशीच्या श्री गणेश मूर्ती विसर्जन सोहळ्यानंतर महापालिकेने केलेल्या कारवाईत १८ तासांत १४ हजार ३७० बॅनर, फलक काढून टाकण्यात आले.

परवाना संपलेले आणि अनधिकृतरीत्या प्रदर्शित केलेले साहित्य हटविण्यासाठी महानगरपालिकेच्या अनुज्ञापन खात्याकडून ही कारवाई करण्यात आली.

राजकीय फलकांचाही समावेश

धार्मिक स्वरूपाचे ७ हजार ७१५ बॅनर, ३ हजार १७४ फलक (बोर्ड) आणि ५७९ पोस्टर्स; राजकीय स्वरूपाचे ८०७ बॅनर, ७०५ फलक (बोर्ड), ८७ पोस्टर्स; व्यावसायिक स्वरूपाचे २६० बॅनर, २७ फलक (बोर्ड), ३१ पोस्टर्स तसेच ९८५ झेंडे यांचा यामध्ये समावेश आहे.