मुंबई

अमित शहा, शरद पवार यांनी घेतले लालबागच्या राजाचे दर्शन; शहा सपत्नीक, तर पवारांची जावई, नातीसह उपस्थिती

केंद्रीय गृहमंत्री अमित शहा सोमवारी दुपारी लालबागच्या राजाच्या दर्शनासाठी जाणार त्याआधीच राष्ट्रवादी काँग्रेसचे राष्ट्रीय अध्यक्ष शरद पवार यांनी सकाळीच लालबागच्या राजाचे दर्शन घेतले.

Swapnil S

मुंबई : केंद्रीय गृहमंत्री अमित शहा सोमवारी दुपारी लालबागच्या राजाच्या दर्शनासाठी जाणार त्याआधीच राष्ट्रवादी काँग्रेसचे राष्ट्रीय अध्यक्ष शरद पवार यांनी सकाळीच लालबागच्या राजाचे दर्शन घेतले. बळीराजा व जनसामान्यांचे प्रश्न सोडविण्याचे बळ दे अशी प्रार्थना बाप्पाच्या चरणी शरद पवार यांनी केली. विशेष म्हणजे मुख्यमंत्री पदावर असताना शरद पवार लालबागच्या राजाचे दर्शन घेण्यासाठी आले होते. त्यानंतर ते आता लालबागच्या राजाचे दर्शन घेण्यासाठी आले. यावेळी शरद पवारांचे जावई सदानंद सुळे आणि नात रेवती सुळे बरोबर होते.

नवसाला पावणारा गणपती अशी भावना मनाशी बाळगत लालबागच्या राजाचे भक्त दरवर्षी बाप्पाच्या दर्शनासाठी येत असतात. सॅलिब्रिटी, नेतेमंडळी, उद्योगपती लालबागच्या राजाच्या दर्शनासाठी येतात. सोमवारी सकाळी केंद्रीय गृहमंत्री अमित शहा लालबागच्या राजाच्या दर्शनासाठी येण्याआधी शरद पवार यांनी लालबागच्या राजाचे दर्शन घेतले. तर केंद्रीय गृहमंत्री अमित शहा यांनी सपत्नीक सोमवारी लालबागच्या राजाचे दर्शन घेतले. यावेळी लालबाग राजा सार्वजनिक गणेशोत्सव मंडळाच्या वतीने श्रीगणेश प्रतिमा, पुष्पगुच्छ, श्रीफळ व शाल भेट देत शहा यांचे स्वागत केले. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह शालेय शिक्षण मंत्री दीपक केसरकर, कौशल्य विकासमंत्री मंगल प्रभात लोढा, खासदार श्रीकांत शिंदे, आमदार आशिष शेलार, माजी केंद्रीय मंत्री रावसाहेब दानवे, माजी मंत्री विनोद तावडे हे उपस्थित होते.

जलसंधारण, चारा उपलब्धतेवर भर; ३०४ तालुक्यांना दिलासा मिळणार, दुष्काळग्रस्तांसाठी मुख्यमंत्र्यांच्या अध्यक्षतेखाली समिती स्थापन

भाईंंदरमध्ये शेअर रिक्षांची मनमानी भाडेवाढ, प्रवाशांची लूट; १२ रुपयांवरून थेट १५ रुपये भाडे; RTO, पोलीस आणि लोकप्रतिनिधींचे दुर्लक्ष

Mumbai : भाभा रुग्णालयात BMC चे पहिले बीएस्सी नर्सिंग कॉलेज

आरोग्य संस्थांवर AI ची नजर; कोल्हापुरात राज्यातील पहिला आरोग्य प्रकल्प, आरोग्य मंत्र्यांच्या हस्ते आज उद्घाटन

महाराष्ट्र कायम अव्वल राहणार; MIDC चे सीईओ दीपेंद्र कुशवाह यांचे प्रतिपादन; एआय, डेटा सेंटर आणि उत्पादनांच्या क्षेत्रात प्रचंड संधी