चित्रकार नीना सिंग यांच्या ऍक्रिलिक रंगांच्या लेपनातून कॅनवास व पेपरवर निर्मिलेल्या नवनिर्मित चित्रांचे एकल प्रदर्शन मुंबईतील जहांगीर आर्ट गॅलरीत आयोजित करण्यात आले आहे. १५ ते २१ नोव्हेंबर ह्या दरम्यान हे प्रदर्शन रसिकांना रोज सकाळी ११ ते संध्याकाळी ७ वाजेपर्यंत विनामूल्य बघता येणार आहे.

नीना सिंग यांनी प्रस्तुत चित्रमालिकेत आपल्या कलात्मक व वैशिष्ट्यपूर्ण तसेच सौंदर्ययुक्त शैलीचा वापर करून तयार केलेली चित्रे निसर्गाची अमूर्त भावपूर्ण रूपे, त्यातील प्रासंगिक बदल, विविध ऋतूत साकारणारी त्याची रूपे, त्यातील दैवी शक्ती व निरामयता प्रस्तुत प्रदर्शनात आपल्या चित्राद्वारे व्यक्त केली आहे. ही चित्रे त्यांनी कोरोनाकाळात साकारली असून सर्व प्रकारची अस्थिरता व बंधनयुक्त परिस्थिति आसपास असली तरी आपल्या अमूर्त चित्रसंपदेतून तिने प्रत्येकाला मानवी आयुष्य प्रकाशरूपी ऊर्जेच्या रूपकाचा आधार घेऊन मुक्त मनाने जगण्याचा व त्याद्वारे सुखी जीवनाचा एक प्रभावी संदेश दिला आहे. निळा, हिरवा, लाल, पिवळा, नारिंगी, पांढरा व अन्य रंगसंगतीच्या कलात्मक समन्वयातून तिने आपल्या खासगी आयुष्याशी निगडित अशा अनेक अनुभवांचा प्रतिकात्मक आधार घेऊन या चित्रांची निर्मिती केली आहे.