मुंबई

ॲण्टॉप हिल येथील गोळीबारात तरुण जखमी; आर्थिक वाद कारणीभूत; मारेकऱ्याचा शोध सुरू

गोळीबारानंतर आरोपी तेथून पळून गेला. जखमी झालेल्या आकाशला स्थानिक रहिवाशांनी तातडीने शीव हॉस्पिटलमध्ये दाखल केले होते. त्याच्यावर तिथे उपचार सुरू आहेत. याप्रकरणी ॲण्टॉप हिल पोलिसांनी आरोपीविरुद्ध हत्येच्या प्रयत्नासह आर्म्स ॲक्ट कलमांतर्गत गुन्हा दाखल केला आहे.

Swapnil S

मुंबई : ॲण्टॉप हिल येथे आकाश गणेश कदम या तरुणावर त्याच्या मित्राने गोळीबार केला. या गोळीबारात आकाश हा गंभीररीत्या जखमी झाला असून, त्याच्यावर शीव हॉस्पिटलमध्ये उपचार सुरू आहेत. याप्रकरणी ॲण्टॉप हिल पोलिसांनी हत्येचा प्रयत्नाचा गुन्हा नोंदवून पळून गेलेल्या आरोपी मित्राचा शोध घेत आहेत. आर्थिक वादातून हा प्रकार घडल्याचे बोलले जाते. वासंती गणेश कदम ही महिला ॲण्टॉप हिल येथील नाईकनगर, कृष्णा हॉटेलजवळील नवतरुण परिसरात राहते. आकाश हा तिचा मुलगा आहे. आरोपी आकाशचा मित्र असून, त्यांच्यात काही दिवसांपासून आर्थिक वाद सुरू होता. शनिवारी सकाळी सहा वाजता आकाश हा त्याच्या घरी झोपला होता. यावेळी आरोपी तिथे आला आणि त्याने आकाशच्या दिशेने गोळीबार केला. त्यात त्याच्या पोटात गोळी लागली होती.

गोळीबारानंतर आरोपी तेथून पळून गेला. जखमी झालेल्या आकाशला स्थानिक रहिवाशांनी तातडीने शीव हॉस्पिटलमध्ये दाखल केले होते. त्याच्यावर तिथे उपचार सुरू आहेत. याप्रकरणी ॲण्टॉप हिल पोलिसांनी आरोपीविरुद्ध हत्येच्या प्रयत्नासह आर्म्स ॲक्ट कलमांतर्गत गुन्हा दाखल केला आहे. या घटनेनंतर स्थानिक पोलिसांसह गुन्हे शाखेच्या विशेष पथकाची नियुक्ती करण्यात आली असून, या पथकाने आरोपीच्या अटकेसाठी विशेष मोहीम सुरू केली आहे. सकाळी झालेल्या या गोळीबाराच्या घटनेने स्थानिक रहिवाशांमध्ये प्रचंड तणावाचे वातावरण निर्माण झाले होते.

Mumbai Local Update : उद्या तिन्ही रेल्वे मार्गांवर ब्लॉक

प्रत्येक बालकाला २२ नोव्हेंबरला पोलिओचे डोस; मुंबईत रविवारी पल्स पोलिओ मोहीम; २३ ते २७ नोव्हेंबरदरम्यान लसीकरण

Instagram New Feature : स्टोरी पोस्ट करताना चूक झाली? टेन्शन नको! १५ मिनिटांत 'अशी' करा एडिट; जाणून घ्या सर्व प्रोसेस

Pune : महाराष्ट्र साहित्य परिषदेच्या आवारात महिलांचा राडा; शिवसेना ठाकरे गटाच्या रेखा कोंडे यांना मारहाण, चौघींवर गुन्हा दाखल

Mumbai : तरुणीची छेड काढली, विरोध करताच दोघांना बेदम मारहाण; कुर्ल्यातील व्हायरल VIDEO प्रकरणी ८ अल्पवयीन ताब्यात