मुंबई

आणखी एक ठाकरे उतरणार राजकारणात? पोस्टरमुळे जोरदार चर्चा...

ठाकरे कुटुंबातील आणखी एक सदस्य आता राजकारणाच्या मैदानात उडी घेण्यासाठी सज्ज झाल्याची चर्चा

प्रतिनिधी

उद्धव ठाकरे (Uddhav Thackeray) हे महाराष्ट्राचे माजी मुख्यमंत्री, तर आदित्य ठाकरे (Aditya Thackeray) हे राज्याचे माजी पर्यटनमंत्री राहिले आहेत. उद्धव ठाकरे यांच्या पत्नीदेखील नेहमी अनेक कार्यक्रमांना हजेरी लावल्यामुळे चर्चेत असतात. मात्र, त्यांच्या कुटुंबातील आणखीन एक नाव राजकारणाच्या मैदानात येणार असल्याची चर्चा सुरु झाली आहे. ते नाव म्हणजे उद्धव ठाकरे यांचे धाकटे चिरंजीव तेजस ठाकरे (Tejas Thackeray). त्यांच्या नावाने एक पोस्टर सध्या सोशल मीडियावर खूप व्हायरल होत आहे. यामुळे आता राजकारणाच्या वर्तुळात वेगळीच चर्चा रंगली आहे.

तेजस ठाकरे यांचे एक पोस्टर मुंबईतील गिरगाव येथे शिवसेना ठाकरे गटाच्या समर्थकांनी लावले होते. ते पोस्टर सोशल मीडियावर चांगलेच व्हायरल झाले. 'आजची शांतता.... उद्याचे वादळ... नाव लक्षात ठेवा तेजस उद्धव साहेब ठाकरे' असे या पोस्टरवर लिहिले होते. यापूर्वीही ठाकरे गटाच्या समर्थकांकडून त्यांना युवासेना प्रमुख म्हणून जबाबदारी देण्याची मागणी केली होती. यासंदर्भात, गिरगावचे शाखाप्रमुख निलेश अहिरेकर आणि उपविभाग संघटक विशाल सागवेकर यांनी हे पोस्टर लावले आहे. निलेश अहिरेकर म्हणाले की, "स्वर्गीय बाळासाहेब ठाकरेंची छबी आम्हाला तेजस ठाकरे यांच्यामध्ये दिसते. स्वतः बाळासाहेब म्हणाले होते की, तेजस हा माझ्यासारखा आहे. त्यामुळे त्यांनी लवकर राजकारणात यावे, अशा आमच्या भावना आहेत."

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न