बेस्ट अधिकाऱ्यांनी बस मार्ग क्रमांक १११ (फोर्स मॅटाडोर एसी मिनी बस सेवा) सुरू केल्याने नरिमन पॉइंट ते सीएसटी दरम्यान प्रवास करणाऱ्या हजारो प्रवाशांनी सुटकेचा नि:श्वास सोडला. सेवा सुरू झाल्यावर सर्व काही ठीक होते; पण जसजसे दिवस गेले, तसतशी सेवांची दुरवस्था होऊन प्रवाशांची गैरसोय होण्याचे प्रमाण वाढले. सीएसएमटीच्या सुरुवातीच्या ठिकाणी, प्रवाशांना सापाच्या रांगेत उभे राहावे लागत आहे, कारण अधिकाऱ्यांनी उभे राहून प्रवास करणाऱ्यांना तिकीट देणे बंद केले आहे.

एका नियमित प्रवाशाने आपले नाव जाहीर न करण्याच्या अटीवर असे सांगितले की, तिला नियमितपणे बस क्रमांक १११मध्ये चढण्यासाठी १५ ते २० मिनिटांपेक्षा जास्त रांगेत उभे राहावे लागले, ज्यामुळे ती तिच्या कार्यालयात उशिरा पोहोचते. याशिवाय बसेसमध्ये बसवलेले तथाकथित एसीही नीट काम करत नाहीत आणि लोकांना बहुतेक वेळा खिडक्या उघडायला भाग पाडले जाते, असेही ती पुढे म्हणाली.

सीएसटीच्या टोकाला असलेल्या बस स्टॉपवर योग्य निवारे नाहीत आणि प्रवाशांना उन्हाळ्याच्या कडक उन्हाचा सामना करावा लागतो, तसेच पावसाळ्यात भिजण्याची शक्यता असते. दुसरा प्रवासी म्हणतो, “आम्ही गेल्या काही काळापासून या अडचणीचा सामना करत आहोत. बेस्ट उपक्रमाच्या वरिष्ठ वाहतूक अधिकाऱ्यांनी सीएसटी बस मार्ग क्रमांक १११ला भेट द्यावी आणि प्रवाशांना होणारा त्रास स्वत: पाहावा. याशिवाय, त्यांनी गर्दीत असलेल्या आणि उभे राहून प्रवास करू इच्छिणाऱ्या प्रवाशांना वेगळ्या रांगेत उभे राहण्याची परवानगी द्यावी, जेणेकरून ते त्यांच्या कार्यालयात वेळेवर पोहोचतील.