मुंबई : घाटकोपर येथे फेब्रुवारी महिन्यात घडलेल्या ‘हिट अँड रन’ प्रकरणाला नवीन वळण मिळाले आहे. अपघातात मृत्युमुखी पडलेल्या व्यक्तीच्या पत्नीने दाखल केलेल्या याचिकेवर सुनावणी घेत सत्र न्यायालयाने १७ वर्षीय आरोपीचा जामीन तातडीने रद्द केला.
अतिरिक्त सत्र न्यायाधीश मुजीबोद्दीन शेख यांनी हा निर्णय देतानाच बाल न्याय मंडळाला आरोपी मुलाला ताब्यात घेऊन त्याची रवानगी बालसुधारगृहात करण्याचे आदेश दिले.
५ फेब्रुवारी २०२६ रोजी विद्याविहार येथील सोमय्या कॉलेजजवळ हा भीषण अपघात झाला होता. उद्योगपतीच्या अल्पवयीन मुलाने चालवलेल्या भरधाव कारने स्कूटरला जोरदार धडक दिली होती. अपघातात स्कूटर चालक ध्रुमिल पटेल यांचा मृत्यू झाला होता.