मुंबई

ट्रेनी एअर होस्टेच्या खून प्रकरणी पोलिसांची मोठी कारवाई ; सफाई कर्मचाऱ्याला घेतलं ताब्यात

प्रकरणात पोलिसांनी सोसायटीच्या हाऊसकिपरला ताब्यात घेतलं आहे. त्याच्या विरुद्ध हत्येचा गुन्हा दाखल करून ताबडतोब तपास सुरू केला आहे.

नवशक्ती Web Desk

मुंबईतील अंधेरीत एका फ्लॅटमध्ये एक मुलगी मृतावस्थेत आढळून आल्याने खळबळ उडाली आहे. अंधेरीतील मरोळ येथील टाटा पॉवर सेंटर बस स्थानकाजवळ, एनजी कॉम्प्लेक्स, कृष्णलाल मारवाह मार्गावरील फ्लॅटमध्ये मुलीचा मृतदेह आढळून आल्याने परिसरामध्ये खळबळ उडाली आहे. पोलिसांना मिळालेल्या माहितीनुसार, मृत महिलेचं नाव रुपल ओग्रे ( वय २४) असं होतं. ही मृत महिला मुळची छत्तीसगड येथील रहिवासी होती. रुपल ही एअर इंडियात प्रशिक्षण घेण्यासाठी मुंबईत आली होती. त्या फ्लॅटमध्ये ती तिची बहीण आणि बहिणीच्या प्रियकरासह राहत होती.

पोलिसांनी दिलेल्या माहितीनुसार, "या मुलाचा गळा धारदार शस्त्राने चिरला गेला होता. त्यांनी मृतदेह शवविच्छेदनासाठी घाटकोपरमधील राजावाडी रुग्णालयात पाठवला आहे. प्रथमदर्शनी, डॉक्टरांनी लैंगिक अत्याचाराबाबत कोणतेही पुरावे सापडलेले नाहीत", या प्रकरणाचा सर्व बाजूंनी पोलीस अधिक तपास करत आहेत.

आता या प्रकरणात एक मोठी अपडेट समोर आली आहे. या प्रकरणात पोलिसांनी सोसायटीच्या हाऊसकिपरला ताब्यात घेतलं आहे. त्याच्या विरुद्ध हत्येचा गुन्हा दाखल करून ताबडतोब तपास सुरू केला आहे. मारेकऱ्याचा शोध घेण्यासाठी पोलिसांनी तीन पथके तयार केली आहेत. रूपलच्या घरात कोण आले होते, हे जाणून घेण्यासाठी पोलीस सीसी टीव्ही कॅमेऱ्यातील चित्र तपासणी करीत आहेत. स्थानिक पोलिसांबरोबरच गुन्हे शाखेचे अधिकारीही समांतर तपास करीत आहेत.

मुंबईत कोसळधार! पुढील काही तास धोक्याचे, ‘रेड अलर्ट’ जारी

मराठवाड्यात पावसाचा कहर; धाराशिव-छत्रपती संभाजीनगरमध्ये पूरस्थिती तीव्र, जायकवाडी धरणाचे दरवाजे उघडले

करूर चेंगराचेंगरी : मृतांची संख्या ३९ वर; विजय थलापतींकडून २० लाखांची मदत जाहीर, तपास समिती नियुक्तीचे आदेश

ठाण्यात पावसाचा जोर कायम; सखल भागांत पाणी साचले, नवरात्र आणि गरब्यावर पावसाचे सावट

Marathwada Floods : मराठवाड्यावर पुन्हा पुरसंकट; बीड, लातूर, धाराशिवमध्ये जोरदार पाऊस, जनजीवन विस्कळीत