म्हाडाच्या कोकण मंडळाची लॉटरी दसऱ्याला; लॉटरीत एक हजार घरांचा समावेश  (संग्रहित छायाचित्र)
मुंबई

म्हाडाच्या कोकण मंडळाची लॉटरी दसऱ्याला; लॉटरीत एक हजार घरांचा समावेश

म्हाडाच्या कोकण मंडळाने दसऱ्याला सुमारे एक हजार घरांची लॉटरी काढण्याचे नियोजन केले आहे.

Swapnil S

मुंबई : म्हाडाच्या कोकण मंडळाने दसऱ्याला सुमारे एक हजार घरांची लॉटरी काढण्याचे नियोजन केले आहे. त्यानुसार दसऱ्याला घरांची जाहिरात प्रसिद्ध करून दिवाळीमध्ये प्राप्त अर्जांची लॉटरी काढण्यात येणार आहे. यामध्ये बहुतांश २० टक्के योजनेतील घरांचा समावेश आहे.

कोकण मंडळामार्फत दरवर्षी ठाणे, नवी मुंबई, कल्याण डोंबिवली आणि कोकण भागातील घरांची लॉटरी काढण्यात येते. यामध्ये दरवर्षी २० टक्के योजना, म्हाडा योजना आणि शिल्लक घरांचा समावेश असतो. त्यानुसार मंडळाने दिवाळीमध्ये लॉटरी काढण्याची तयारी केली होती. या लॉटरीत मुंबई महानगर प्रदेशात सुरू असलेल्या गृहनिर्माण प्रकल्पांमधून म्हाडाला मिळणाऱ्या २० टक्के योजनेतील तब्बल ६ हजार घरांचा समावेश होता. मात्र सरकारने २० टक्के सर्वसमावेशक गृहनिर्माण योजनेतील घरे म्हाडाऐवजी थेट स्थानिक नियोजन प्राधिकरणांकडे सुपूर्द करण्याचा निर्णय घेतला आहे. त्यामुळे यंदाची लॉटरी कशी काढायची असा पेच मंडळातील अधिकाऱ्यांपुढे निर्माण झाला होता.

अखेर मंडळाने २० टक्के योजनेतून यापूर्वी प्राप्त झालेल्या घरांची लॉटरी काढण्याचा निर्णय घेतला आहे. २० टक्के योजनेतील सुमारे ८० टक्के तर शिल्लक २० टक्के घरांचा या लॉटरीत समावेश करण्यात येणार आहे. त्याप्रमाणे सुमारे एक हजार घरांच्या लॉटरीची जाहिरात दसऱ्याला काढण्यात येणार आहे. तर दिवाळीत प्राप्त अर्जांची लॉटरी काढण्याचे नियोजन आहे.

(संबधित इंग्रजी बातमी वाचण्यासाठी येथे क्लिक करा.)

मेट्रो-५ च्या कशेळी डेपोत पहिल्या गाडीचे आगमन; ठाणे-भिवंडी-कल्याणच्या प्रवाशांना मिळणार दिलासा

भारतातील युजर्ससाठी Apple Maps चे नवे फीचर्स; आता 3D लँडमार्कसह मराठीतही मिळणार रस्त्यांची माहिती, वाचा सविस्तर

कल्याण-डोंबिवलीत दर गुरुवारी पाणीपुरवठा बंद

सोनिया गांधींच्या पुस्तकात सावरकरांच्या अपमानाचा दावा; पुस्तकाच्या प्रती फाडत शिंदेंच्या शिवसेनेकडून बंदी घालण्याची मागणी

रस्त्यावर पडलेल्या मद्यधुंद तरुणाच्या मदतीसाठी थांबलेल्या लोकांना भरधाव बसने उडवले; अपघात कॅमेऱ्यात कैद - VIDEO