Mumbai : लोकलमध्ये जागेच्या वादातून चाकू हल्ला 
मुंबई

Mumbai : लोकलमध्ये जागेच्या वादातून चाकू हल्ला

मुंबईत धावत्या लोकलमध्ये जागेवरून झालेल्या वादातून एका व्यक्तीवर चाकूने हल्ला केल्याप्रकरणी दोन जणांना अटक करण्यात आली आहे, अशी माहिती पोलिसांनी दिली.

Swapnil S

मुंबई : मुंबईत धावत्या लोकलमध्ये जागेवरून झालेल्या वादातून एका व्यक्तीवर चाकूने हल्ला केल्याप्रकरणी दोन जणांना अटक करण्यात आली आहे, अशी माहिती पोलिसांनी दिली. सीएसएमटी - खोपोली लोकलमध्ये ही घटना गुरुवारी सकाळी घडली.

कर्जतच्या शासकीय रेल्वे पोलिसांनी (जीआरपी) घटनेच्या १२ तासांत दोन आरोपींना अटक केली असून, आणखी एका आरोपीचा शोध सुरू आहे, असे त्यांनी सांगितले. सतीश कुमार बोलामणी पाठक (२६, रा. मशीद बंदरई) असे जखमी प्रवाशाचे नाव आहे. त्यांच्यावर सध्या उपचार सुरू आहेत.

लोकलने वांगणी स्टेशन ओलांडल्यानंतर मालवाहू डब्यात बसण्यावरून पाठक आणि तरुण मुलांच्या एका गटामध्ये वाद सुरू झाला. हा वाद चिघळल्यानंतर त्याचे रूपांतर हाणामारीत झाले. आरोपींनी पाठकला अमानुषपणे मारहाण केली, तर त्यापैकी एकाने त्याच्या पोटात चाकूने वार केले.

गुप्त माहितीच्या आधारे कर्जत जीआरपीने इम्रान इद्रिस अन्सारी आणि करण कन्हैयालाल अग्रवाल यांना अटक केली आहे. याप्रकरणी पुढील तपास सुरू असल्याचे अधिकाऱ्याने सांगितले.

PF काढा हप्त्यांवर! खात्यातून ९० टक्के रक्कम काढण्याची मुभा; सुमारे सहा लाख ३२ हजार कर्मचाऱ्यांना लाभ

गोकुळचे दूध महागले! म्हशीच्या दुधात लिटरमागे ६, तर गाईच्या दुधात ४ रुपयांची वाढ; नवनियुक्त संचालक मंडळाच्या पहिल्याच बैठकीत मोठा निर्णय

सोने-चांदीची घसरण सुरूच; सोन्याचे दर दोन हजारांनी, तर चांदी ५ हजार रुपयांनी घसरली

Mumbai : दाऊदच्या मालमत्तेचे तोडकाम थांबवले; उच्च न्यायालयाने २५ नोव्हेंबरपर्यंत स्थिती ‘जैसे थे’ ठेवण्याचे दिले आदेश

Mumbai : दादर मेट्रो स्थानकाला ‘चैत्यभूमी’ नाव देणार