मुंबई : मुंबईला अतिरिक्त पाणी मिळण्यासाठी मुंबई महापालिका समुद्राचे खारे पाणी गोडे करण्याचा मनोरी प्रकल्प राबवत आहे. या प्रकल्पात समुद्री जीवाला धोका होऊ नये यासाठी अत्याधुनिक अभियांत्रिकी उपाययोजना आखल्या आहेत. मात्र मच्छिमार संघटनांनी विरोध केला आहे. परंतु मुंबई महापालिका समुद्राचे खारे पाणी गोडे करण्यावर पालिका ठाम आहे.

समुद्राच्या पृष्ठभागापासून सुमारे २० मीटर खोलीवरून २.३६ किमी लांबीच्या बोगद्याद्वारे पाणी उचलले जाईल. प्रक्रियेनंतर उरणारे अतिक्षारयुक्त पाणी समुद्रात सोडण्यासाठी २.४२ किमी लांबीची पाइपलाइन टाकण्यात येणार आहे.

कामाची ठळक वैशिष्ट्ये

• पहिल्या टप्प्यात २००, तर दुसऱ्या टप्प्यात २०० असा एकूण ४०० दशलक्ष लिटर पाणी उपलब्ध होणार आहे.

• २०० दशलक्ष लिटर प्रतिदिन क्षमतेच्या आधुनिक निःक्षारीकरण प्रकल्पामध्ये पूर्व-प्रक्रिया, दुहेरी-टप्पा आरओ आणि पुनर्खनिजीकरण यांचा समावेश आहे.

• सागरी जीवसृष्टीच्या संरक्षणासाठी आदान वेग (इंटेक फ्लो ) ≤ 0.15 m/s इतका मर्यादित ठेवण्यात आला आहे.

• पाणी शुद्धीकरण झाल्यानंतर उरलेले क्षारयुक्त पाणी समुद्रात शास्त्रोक्त पद्धतीने सोडले जाणार आहे.

(संबधित इंग्रजी बातमी वाचण्यासाठी येथे क्लिक करा.)