पालघर : पालघर जिल्ह्यातील अर्नाळा समुद्रकिनाऱ्यावर पोहण्यासाठी गेलेल्या चार मुलांपैकी एका १७ वर्षीय मुलाचा बुडून मृत्यू झाला असून, त्याचा मित्र अद्याप बेपत्ता आहे, अशी माहिती अधिकाऱ्यांनी शुक्रवारी दिली.
चार अल्पवयीन मुले समुद्रात पोहण्यासाठी उतरली होती. मात्र, पाण्याचा वेगवान प्रवाह आणि जोरदार प्रवाहामुळे ही मुले समुद्रात खोलवर ओढली गेली. किनाऱ्यावरील जीवरक्षकांनी (लाइफगार्ड्स) तत्परता दाखवत दोन मुलांना सुखरूप बाहेर काढले. मात्र, इतर दोन मुले बेपत्ता झाली होती, त्यानंतर तातडीने शोधमोहीम सुरू करण्यात आली.
शुक्रवारी सकाळी अयान झाकीर हुसेन या १७ वर्षीय मुलाचा मृतदेह शोधण्यात यश आले. तर शोएब (वय १७) नावाचा दुसरा मुलगा अद्याप बेपत्ता असून त्याचा शोध सुरू आहे.