मुंबई : श्री सिद्धिविनायक गणपती मंदिर न्यासाचे अध्यक्ष सदा सरवणकर यांनी श्रींच्या दर्शनासाठी येणाऱ्या भाविकांच्या सोयीसाठी बेस्ट समिती अध्यक्ष तृष्णा विश्वासराव यांच्याकडे विशेष बससेवेची मागणी केली होती. त्यांच्या याची दखल घेत आता ‘ए-८१४ श्री सिद्धिविनायक फेरी’ बससेवा शनिवारपासून भक्तांच्या सेवेत दाखल झाली आहे.

दादर स्थानक (प.) ते रवींद्र नाट्यमंदिर ते श्री सिद्धिविनायक मंदिर या मार्गावर ही बस धावणार आहे. यावेळी श्री सिद्धिविनायक न्यासाचे अध्यक्ष सदा सरवणकर, बेस्ट समिती अध्यक्ष तृष्णा विश्वासराव, न्यासाच्या विश्वस्त व महिला आघाडीच्या मीना कांबळी व बेस्ट सदस्य उपस्थित होते.