मुंबई : जुन्या वाहनांवर उच्च-सुरक्षा नोंदणी प्लेट (HSRP) बसवण्याचे कंत्राट बेकायदेशीरपणे देण्यात आल्याच्या आरोपांचे महाराष्ट्र परिवहन मंत्री प्रताप सरनाईक यांनी मंगळवारी खंडन केले.

विधान परिषदेत लक्षवेधी सूचनेद्वारे हा मुद्दा उपस्थित करताना शिवसेना (ठाकरे गट) नेते अनिल परब यांनी दावा केला की, सध्याचे राज्य मंत्रिमंडळ स्थापन होण्यापूर्वीच परिवहन विभागाच्या अधिकाऱ्यांनी हे कंत्राट दिले.

१ एप्रिल २०१९ पूर्वी नोंदणीकृत सर्व वाहनांवर एचएसआरपी बसवण्याचा करार योग्य प्रक्रिया न करता आणि निवडक कंपन्यांना फायदा होईल अशा पद्धतीने जारी करण्यात आला, असे ते म्हणाले.

उत्तरात सरनाईक म्हणाले, आरोप निराधार आहेत. निविदा प्रक्रिया योग्य ती काळजी घेऊन पार पाडण्यात आली आणि सर्व आवश्यक खबरदारी घेण्यात आली. १६.५८ लाख वाहनांनी यापूर्वीच नवीन नंबर प्लेटसाठी नोंदणी केली आहे आणि ३० जूनपर्यंत जास्तीत जास्त वाहने समाविष्ट करण्याचे विभागाचे उद्दिष्ट आहे, असेही त्यांनी सांगितले.