इटावा : उत्तर प्रदेशातील देहाट पोलीस ठाण्याच्या हद्दीतील एका गावातील सात वर्षांची मुलगी बेपत्ता झाल्यानंतर पोलिसांनी रविवारी तिचा मृतदेह एका शेतातून बाहेर काढला, तर तिच्या कुटुंबीयांनी आरोप केला की, मारण्यापूर्वी तिच्यावर बलात्कार करण्यात आला, असे अधिकाऱ्यांनी सांगितले. वरिष्ठ अधीक्षक (एसएसपी) राजेश कुमार सिंह यांनी सांगितले की, प्रथमदर्शनी असे दिसते की, मुलीचा गळा दाबून खून करण्यात आला आहे. हत्येपूर्वी तिच्यावर बलात्कार झाल्याचा आरोप तिच्या कुटुंबीयांनी केला आहे, असे सिंग यांनी सांगितले. कुटुंबीयांच्या माहितीनुसार, मुलगी दुपारी १२ वाजण्याच्या सुमारास तिच्या मैत्रिणींसोबत खेळण्यासाठी बाहेर गेली होती. बराच वेळ होऊनही ती न परतल्याने तिच्या कुटुंबीयांनी पोलिसांकडे धाव घेतली. श्वान पथकाच्या मदतीने मुलीचा शोध सुरू केला तेव्हा पोलिसांनी रविवारी गावाजवळील मोहरीच्या शेतातून मुलीचा मृतदेह बाहेर काढला, असे त्यांनी सांगितले.