कोलकाता : सोनारपूर शहरात शनिवारी तृणमूल काँग्रेसचे सरचिटणीस अभिषेक बॅनर्जी यांच्यावर जमावाने प्रचंड दगडफेक केली, अंडी फेकली आणि शिवीगाळ केली. क्रिकेट हेल्मेट घालून आणि सहकाऱ्यांच्या मदतीने बॅनर्जी या संतप्त जमावातून सुखरूप बाहेर पडले. निवडणूक निकालानंतर झालेल्या हिंसाचारातील पीडितांची भेट घेण्यासाठी बॅनर्जी गेले असताना त्यांच्यावर हा हल्ला झाला. भाजप कार्यकर्त्यांनी आपल्याला जीवानिशी मारण्याचा प्रयत्न केल्याचा दावा त्यांनी नंतर केला.
बॅनर्जी यांना लाथाबुक्क्यांचा मारण्यात आल्या. ज्यामुळे सुरक्षा रक्षकांना तातडीने हस्तक्षेप करावा लागला. सुरक्षेसाठी पोलिसांनी दिलेले हेल्मेट घातलेल्या टीएमसी नेत्याचा शर्ट या गोंधळात फाटला होता. बॅनर्जी मोटारसायकलवर मागे बसून या भागात प्रवेश करण्याचा प्रयत्न करत होते, परंतु संतप्त स्थानिकांनी मोटारसायकलला गराडा घालून घोषणाबाजी सुरू केल्याने आणि त्यांच्यावर जोडे व अंडी फेकल्यामुळे त्यांना गाडीवरून उतरावे लागले.
'त्यांना मला ठार करायचे होते'
बॅनर्जी म्हणाले की, 'त्यांना मला जीवे मारायचे होते. ही संपूर्ण घटना कॅमेऱ्यात कैद झाली आहे. आम्ही याबद्दल उच्च न्यायालयाला नक्कीच कळवू. आम्ही राज्यपालांनाही याची माहिती देऊ. "हे सर्व भाजपने घडवून आणले आहे. त्यांनी काय केले ते पहा. हे त्यांच्या लोकशाहीचे उदाहरण आहे. सुदैवाने मी हेल्मेट घातले होते. त्यांनी माझे कपडे फाडले आणि चष्मा तोडला," असा आरोप त्यांनी केला.