चेन्नई : दक्षिण भारतीय चित्रपटसृष्टीतील द साऊथ इंडियन आर्टिस्ट असोसिएशन (नडिगर संगम) या संघटनेने अभिनेता मन्सूर अली खान याने अभिनेत्री तृषा कृष्णन हिच्यावर केलेल्या अश्लिल विधानाबाबत, तिची जाहीर माफी मागावी, अशी मागणी केली आहे.
तृषा तसेच खुशबू आणि रोजा या अन्य दोन अभिनेत्रींवरही त्याने अशाच प्रकारची वक्तव्ये केली आहेत. त्याबद्दलही त्याने माफी मागावी, असे सांगत खान याचे संघटनेचे सदस्यत्व रद्द करावे लागेल, असाही इशारा देण्यात आला आहे. द साऊथ इंडियन आर्टिस्ट असोसिएशनचे अध्यक्ष आणि सुप्रसिद्ध अभिनेते एम. नसीर यांनी याबद्दल ही तीव्र प्रतिक्रिया व्यक्त केली आहे. खुशबू आणि रोजा यांच्यावरही खान याने तृषावर वक्तव्य करण्यापूर्वी वक्तव्य केले होते. त्यांचीही त्याने मापी मागायला हवी. पत्रकारांशी बोलताना नासीर यांनी ही मागणी केली.
विनोदाच्या नावाखाली त्याने केलेली हे वक्तव्ये अनादर करणारी आणि धक्कादायक असून ते अश्लिल आहे. तृषा कृष्णनने एक्सवर आपली निषेध करणारी पोस्ट प्रसिद्ध केली आहे. तृषाच्या व्यथा पुन्हा पोस्ट करताना प्रसिद्ध अभिनेत्री व भाजप कार्यकर्त्या खुशबू सुंदर, यांनी पोस्टवर म्हटले आहे की, संघटनेबरोबर मी संघटनेची सदस्य म्हणून, मन्सूर अली खानचा मुद्दा माझ्या वरिष्ठांसोबत आधीच मांडला आहे आणि त्यावर कारवाई करणार आहे. अशा घाणेरड्या मनापासून दूर जा. जिथे हा माणूस माझ्यासह त्यांच्याबद्दल अशा लैंगिक घृणास्पद मानसिकतेने बोलतो. जेव्हा आपण महिलांच्या संरक्षणासाठी आणि त्यांना सन्मान मिळवून देण्यासाठी दात आणि नखे लढत असतात. खानची निंदा करताना, चित्रपट दिग्दर्शक आणि लेखक लोकेश कनगराज यांनी सांगितले की, अशा वक्तव्यांमुळे आपण निराश आणि संतप्त होतो. 'लिओ' हा कनागराज दिग्दर्शित आहे.
सोशल मीडियावर तसेच महिलांविरुद्ध केलेल्या टिप्पणीबद्दल खान याच्यावर चीव्र टीकेला सामोरे जावे लागत आहे. तर या संबंधात त्याने केलेल्या एका निवेदनात म्हटले आहे की, त्यांनी नेहमीच अभिनेत्रींचा आदर केला आहे आणि त्यांच्या टिप्पणीच्या 'विकृत' अर्थ काढला गेला आहे.