वृत्तसंस्था/नवी दिल्ली : भारतातील कोळशाची आयात डिसेंबरमध्ये मागील आर्थिक वर्षाच्या याच महिन्याच्या तुलनेत २७.२ टक्क्यांनी वाढून २३.३५ दशलक्ष टन (एमटी) झाली आहे. आर्थिक वर्ष २६ पर्यंत शून्य थर्मल कोळसा आयात करण्याचे कोळसा मंत्रालयाचे लक्ष्य आहे. एमजंक्शन सर्व्हिस लि.ने संकलित केलेल्या आकडेवारीनुसार, देशाची कोळसा आयात मागील आर्थिक वर्षाच्या याच महिन्यात १८.३५ एमटी होती. एमजंक्शन सर्व्हिस लि. एक बीटूबी ई-कॉमर्स प्लॅटफॉर्म आहे.
डिसेंबर २०२३ मध्ये कोळशाची आयात सुमारे २३.३५ दशलक्ष टन झाली होती, तर डिसेंबर २०२२ मध्ये १८.३५ एमटीच्या तुलनेत डिसेंबर २०२३ मध्ये आयात २७.२५ टक्क्यांनी वाढली, असे त्यात म्हटले आहे. डिसेंबर मधील एकूण आयातीपैकी, नॉन-कोकिंग कोळशाची आयात १५.४७ मेट्रिक टन होती, जी डिसेंबर २०२२ मध्ये १०.६१ मेट्रिक टन आयात झाली होती. कोकिंग कोळशाच्या आयातीचे प्रमाण ४.८४ मेट्रिक टन होते, जे मागील आर्थिक वर्षाच्या याच महिन्यात ४.७१ मेट्रिक टन होते.
चालू आर्थिक वर्षाच्या एप्रिल-डिसेंबर कालावधीत कोळशाची आयात वाढून १९२.४३ मेट्रिक टन झाली, जी मागील वर्षीच्या याच कालावधीत १९१.८२ मेट्रिक टन होती.
एप्रिल-डिसेंबर कालावधीत नॉन-कोकिंग कोळशाच्या आयातीत किरकोळ घट
चालू आर्थिक वर्षाच्या एप्रिल-डिसेंबर या कालावधीत, नॉन-कोकिंग कोळशाची आयात १२४.३७ मेट्रिक टन इतकी होती, जी मागील आर्थिक वर्षातील याच कालावधीत आयात केलेल्या १२६.८९ मेट्रिक टनपेक्षा किरकोळ कमी झाली होती. एप्रिल-डिसेंबर २०२३-२४ या कालावधीत कोकिंग कोळशाची आयात ४२.८१ मेट्रिक टन झाली होती, जी एप्रिल-डिसेंबर २०२२-२३ मध्ये नोंदवलेल्या ४१.३५ एमटीच्या तुलनेत थोडी जास्त होती. कोळसा आयातीच्या कलवर भाष्य करताना, एमजंक्शनचे एमडी आणि सीईओ विनया वर्मा म्हणाले, दक्षिण आफ्रिकेच्या सागरी कोळशाच्या किमतीत घट झाल्यामुळे आणि विशेषत: सिमेंट आणि स्पंज लोह क्षेत्रांकडून डिसेंबरमध्ये थर्मल कोळशाच्या आयातीत वाढ झाली आहे.