नवी दिल्ली : व्यावसायिक सिलिंडरच्या दरात रविवारपासून ३९ रुपयांची वाढ झाली आहे. १९ किलोचा व्यावसायिक गॅस सिलिंडर आता मुंबईत १,६४४ रुपयांना मिळेल, तो आधी १६०५ रुपये इतका होता. असे असले तरी १४.२ किलोच्या घरगुती गॅस सिलिंडरच्या दरात कोणतीही वाढ करण्यात आलेली नाही. मुंबईत घरगुती गॅस सिलिंडर ८०२.५० रुपयांना मिळत आहेत. दिल्लीत व्यावसायिक सिलिंडरची किंमत १,६९१ रुपये झाली आहे. चेन्नईमध्ये हाच सिलिंडर १,८५५ रुपयांना मिळत आहे. त्याचबरोबर रविवारपासून दूरसंचार नियमनात बदल करण्यात आले असून त्यामुळे फेक कॉल्स आणि मेसेजचे प्रमाण थांबवता येतील.