नवी दिल्ली : भ्रष्टाचाराविरुद्ध कठोर कारवाई नव्या जोमाने सुरू ठेवण्याचा मोदी सरकारचा संकल्प हेच विरोधी नेत्यांना एकत्र येण्याचे आणि केंद्रीय तपास यंत्रणांवर हल्ला करण्याचे एकमेव कारण आहे. असे सांगत केंद्रीय मंत्री किरेन रिजिजू यांनी इंडिया आघाडीवर पत्रकार परिषदेत बोलताना निशाणा साधला.
रिजिजू आणि भाजप नेते संगीता सिंगदेव, रामेश्वर तेली आणि निसिथ प्रामाणिक म्हणाले की, काँग्रेस खासदार धीरज प्रसाद साहू यांच्या जागेतून ३५१ कोटी रुपयांची उलाढाल ही एकच गोष्ट नाही. बिहार, पश्चिम बंगाल, राजस्थान आणि दिल्लीतील विरोधी पक्षांच्या नेत्यांवर गुन्हे दाखल आहेत. काँग्रेसने उघडलेली अनेक 'भ्रष्टाचाराची दुकाने' बंद करावीत अशी कठोर कारवाई केली जात आहे," असे रिजिजू यांनी यावेळी बोलताना सांगितले.
ते पुढे म्हणाले, इंडिया आघाडीच्या एकत्र येण्याचा व लोकशाही याच्याशी काहीही संबंध नाही, परंतु ते भ्रष्ट लोकांच्या भल्यासाठी भ्रष्ट लोकांचे संघटन आहे. झारखंडमधील काँग्रेसच्या एका सदस्याकडून आतापर्यंत ३५१ कोटींहून अधिक रकमेचा पर्दाफाश करण्यात आल्याचे त्यांनी सांगितले. काँग्रेसला भ्रष्टाचाराचा पक्ष म्हणायला हवे, कारण काँग्रेस हे भ्रष्टाचाराचे मूळ आहे, असे रिजिजू म्हणाले.
रिजिजू पुढे म्हणाले की, बंगळुरूमधील एका काँग्रेस नेत्याच्या नातेवाईकाकडून ४२ कोटी रुपये वसूल करण्यात आले, पश्चिम बंगालमध्ये ममता बॅनर्जी सरकारमधील अनेक मंत्री भ्रष्टाचारात गुंतलेले आहेत. तामिळनाडूमध्ये सेंथिल बालाजी हा मंत्री तुरुंगात आहे आणि स्वतःला "कट्टर इमानदार" म्हणविणाऱ्या पक्षाचे अनेक नेतेही तुरुंगात आहेत.