सरकारने बुधवारी देशांतर्गत कच्च्या तेल उत्पादकांना त्यांच्या उत्पादनांची विक्री करण्यास परवानगी देण्याचा निर्णय घेतला. आता देशांतर्गत तेल उत्पादक त्यांना हवे ते तेल विकण्यास मोकळे असतील. केंद्रीय मंत्रिमंडळाच्या बैठकीत घेतलेल्या निर्णयाबद्दल माहिती देताना माहिती आणि प्रसारण मंत्री अनुराग ठाकूर म्हणाले की, मंत्रिमंडळाने देशांतर्गत उत्पादित कच्च्या तेलाच्या विपणन आणि विक्रीला मंजुरी दिली आहे.

१ ऑक्टोबरपासून, उत्पादन शेअरिंग कॉन्ट्रॅक्ट (पीएससी) अंतर्गत सरकार किंवा तिच्या नामांकित सरकारी कंपन्यांना कच्चे तेल विकण्याची अट रद्द केली जाईल. आता देशांतर्गत कच्च्या तेल उत्पादकांना त्यांचे तेल ज्याला पाहिजे त्याला विकता येणार आहे. सरकारच्या या निर्णयाचा फायदा कच्च्या तेलाच्या व्यवसायात गुंतलेल्या देशांतर्गत कंपन्यांना होणार आहे. याआधी त्यांची उत्पादने सरकारी कंपन्यांना विकण्यावर निर्बंध होते, आता सरकारच्या या निर्णयामुळे त्यांना त्यांच्या उत्पादनाची विक्री करता येणार आहे.