नवी दिल्ली : संपूर्ण देशाचे लक्ष लागून राहिलेल्या राजस्थान, मध्य प्रदेश, छत्तीसगड, तेलंगणा व मिझोराम निवडणुकीच्या तारखा दोन ते तीन दिवसांत जाहीर होण्याची शक्यता आहे, अशी माहिती निवडणूक आयोगाच्या सूत्रांनी दिली.

नोव्हेंबरचा दुसरा आठवडा ते डिसेंबरच्या पहिल्या आठवड्यात मतदान होण्याची शक्यता आहे. सर्व राज्यांचे मतदान एकाच टप्प्यात होण्याची शक्यता आहे, मात्र त्यांच्या मतदानाच्या तारखा वेगवेगळ्या असतील.