राष्ट्रीय

इलॉन मस्क यांनी टेस्लाचे ७ अब्ज डॉलर्सचे शेअर्स विकले

मस्क म्हणाले की टेस्लाचे आणखी समभाग विकण्याची त्यांची कोणतीही योजना नाही

वृत्तसंस्था

जगातील सर्वात श्रीमंत व्यक्ती इलॉन मस्क यांनी टेस्लाचे ७ अब्ज डॉलर्सचे शेअर्स विकले आहेत. यापूर्वी एप्रिलमध्ये मस्कने ८.५ अब्ज डॉलर्स किमतीचे शेअर्स विकले होते. त्यावेळी ट्विटर आणि मस्क यांच्यात अधिग्रहण प्रक्रिया सुरू होती. याच संबंधात मस्कने आपले शेअर्स विकल्याचे मानले जात होते. सध्या हे प्रकरण न्यायालयात आहे.

मीडिया रिपोर्ट्सनुसार, टेस्लाचे सीईओ इलॉन मस्क यांनी ७.९२ दशलक्ष डॉलर्स शेअर्स विकले आहेत. त्यांनी या विक्रीतून ६.९ अब्ज डॉलर्स कमावले आहेत. एप्रिलच्या सुरुवातीला, मस्कने टेस्लाचे शेअर्स विकून ८.५ अब्ज डॉलर्स जमा केले होते. मग मस्क म्हणाले की टेस्लाचे आणखी समभाग विकण्याची त्यांची कोणतीही योजना नाही. त्याआधी, मस्कने कर भरण्यासाठी टेस्लाचे शेअर्सही विकले होते.

टेस्ला समभागांच्या नव्याने केलेल्या विक्रीमुळे मस्क अजूनही मायक्रोब्लॉगिंग साईट विकत घेण्याची तयारी करत आहे की नाही याबद्दल पुन्हा एकदा अटकळ बांधली जात आहे. न्यायालयाच्या निर्णयानंतर ट्विटर विकत घ्यायचे असेल, तर त्यासाठी पैसे उभे करून तयार राहावे, अशी मस्कची अपेक्षा आहे.

मीडिया रिपोर्ट्सनुसार, मस्कने ५ ते ९ ऑगस्ट दरम्यान टेस्ला शेअर्सची नव्याने विक्री केली आहे. या विक्रीनंतर मस्ककडे टेस्ला कंपनीचे १५५.०४ दशलक्ष शेअर्स शिल्लक आहेत. २० जुलै रोजी जाहीर झालेल्या कंपनीच्या निकालांनुसार, कंपनीने चांगली कमाई केली आहे, या बातमीनंतर कंपनीच्या शेअर्समध्ये सुमारे १५ टक्क्यांनी वाढ झाली आहे.

संकटग्रस्त बळीराजाला २,२१५ कोटींची मदत; राज्य मंत्रिमंडळाची मंजुरी

बेकायदा होर्डिंगवर कारवाईसाठी लवकरच नोडल यंत्रणा उभारणार; भोसले समितीचा अहवाल मंत्रिमंडळाने स्वीकारला

‘शहद’ऐवजी आता फक्त ‘शहाड’ स्टेशन! राज ठाकरेंच्या संतापानंतर रेल्वे प्रशासनाचा झपाट्याने निर्णय

सव्वाअकरा लाखांचे पक्षी चोरणारे अटकेत; कर्जत पोलिसांची धडाकेबाज कामगिरी

Mumbai Traffic : मुंबईत ठिकठिकाणी वाहतूककोंडी, नागरिक हैराण