आशिया पॅसिफिक क्षेत्रासाठी तसेच उर्वरित जगासाठी भारत हे प्रमुख विमान वाहतूक बाजारपेठ आहे आणि हवाई प्रवासाची मागणी मजबूत राहण्याची अपेक्षा आहे. देशातील देशांतर्गत हवाई प्रवाशांची संख्या कोविडपूर्व पातळीपर्यंत पोहोचली आहे, अशी माहिती जागतिक एअरलाइन्स ग्रुप आयएटीएने मंगळवारी दिली.

कोविडनंतर भारतीय विमान वाहतूक क्षेत्र रुळावर येण्याच्या मार्गावर आहे आणि एअरलाइन्स प्रवाशांची वाढती मागणी पूर्ण करण्यासाठी मार्गांचा विस्तार करत आहेत. देशांतर्गत हवाई प्रवाशांची दैनंदिन संख्या ९ ऑक्टोबर रोजी ४ लाखांवर पोहोचली, जी कोविडपूर्व पातळीच्या जवळपास होती आणि पंतप्रधान नरेंद्र मोदी यांनी मंगळवारी या यशाचे वर्णन 'महान संकेत' म्हणून केले. भारताचे नागरी विमान वाहतूक क्षेत्र प्रवासी, विमाने आणि विमानतळांच्या बाबतीत अभूतपूर्व वाढीसाठी सज्ज आहे. नागरी उड्डाण मंत्री ज्योतिरादित्य सिंधिया यांनी ऑगस्टमध्ये सांगितले की, देशात २०२७ पर्यंत देशांतर्गत आणि आंतरराष्ट्रीय यासह ४०० दशलक्ष हवाई प्रवासी असण्याचा अंदाज आहे.