बंगळुरू : देसातील पहिल्या ३-डी प्रिंटिंग तंत्रज्ञानाद्वारे बांधल्या गेलेल्या पोस्ट कार्यालयाचे शुक्रवारी बंगळुरू येते उद्घाटन झाले. केंद्रीय मंत्री अश्विनी वैष्णव यांच्या हस्ते हा कार्यक्रम पार पडला.
थ्री-डी किंवा त्रिमित प्रिंटिंग या नवीन तंत्रज्ञानाचा वेगाने विकास आणि प्रसार होत आहे. त्यामध्ये इच्छित वस्तूची निर्मिती करण्यासाठी त्याचे संगणकावर तयार केलेले डिझाइन ३-डी प्रिंटरला पुरवले जाते. प्रिंटरला ती वस्तू ज्या पदार्थापासून तयार करायची असेल त्याचा पुरवठा करण्यात येतो. नंतर डिझाइनबरहुकूम त्या-त्या पदार्थांचे एकमेकांवर थर देत ती संपूर्ण वस्तू तयार केली जाते. या पोस्ट ऑफिसचे डिझाइन तयार करण्यास आयआयटी-मद्रासने मदत केली होती आणि त्याची प्रत्यक्ष बांधणी लार्सन अँड टुब्रो कंपनीने केली आहे. एक हजार चौरस फूट क्षेत्रात अत्यंत कमी वेळात आणि टिकाऊ बांधकाम करण्यात आले आहे.