बंगळुरू : इस्रोच्या हैदराबादस्थित नॅशनल रिमोट सेन्सिंग सेंटरने अयोध्येत नव्याने बांधलेल्या राम मंदिराचे अंतराळातून दर्शन घडवले आहे. अंतराळात फिरणाऱ्या भारतीय रिमोट सेन्सिंग सॅटेलाइटमधून घेतलेली ही प्रतिमा रविवारी इस्रोने शेअर केली. यात २२ जानेवारी रोजी उद्घाटन होणारे अयोध्येतील भव्य नवीन मंदिर दिसत आहे. गेल्या वर्षी १६ डिसेंबर रोजी घेतलेल्या या चित्रात दशरथ महाल, अयोध्या रेल्वे स्टेशन आणि पवित्र सरयू नदी देखील दिसते. सोमवारी पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ आणि इतरांच्या उपस्थितीत वैदिक स्तोत्रांच्या दरम्यान अभिषेक होईल.