देशातील सर्वात मोठी विमा कंपनी एलआयसीच्या शेअर्सचा किंमतपट्टा ९०२ ते ९४९ रुपये जाहीर झाला आहे. हा आयपीओ ४ मे रोजी खुला, तर ९ मे रोजी बंद होणार आहे, अशी माहिती सूत्रांनी दिली.
सूत्रांनी सांगितले की, एलआयसीच्या पॉलिसीधारकांना शेअरमागे ६० रुपये, तर किरकोळ गुंतवणूकदार व कर्मचाऱ्यांना ४० रुपये सवलत मिळणार आहे.
सरकारने फेब्रुवारीत एलआयसीचे पाच टक्के समभाग विक्रीस काढण्याचे नियोजन केले होते. ३१.६ कोटी समभाग विकले जाणार होते. याबाबत सेबीकडे ड्राफ्ट पेपर सादर केला आहे.
रशिया-युक्रेन युद्धाच्या पार्श्वभूमीवर बाजारात मोठ्या प्रमाणात अस्थिरता आहे. त्यामुळे गेल्या आठवड्यात सरकारने एलआयसीचे ३.५ टक्के समभाग विकण्याचे ठरवले आहे.