मुंबई : भारतातील प्रोफेशनल्स नोकरी शोधताना फसवणुकीच्या प्रकारांबाबत सावध होत असल्याचे लिंक्डइनच्या संशोधनातून निदर्शनास आले. पाचपैकी चारपेक्षा जास्त (८२ टक्के) प्रोफेशनल्स आता कोणत्याही नोकरीसाठी अर्ज करण्यापूर्वी ते पद खरे आहे की नाही याची खात्री करण्यासाठी सावधगिरी बाळगतात. एका वर्षापूर्वीच्या तुलनेत आता ते नोकरीच्या वैधतेवर प्रश्नचिन्ह उपस्थित करण्याची अधिक शक्यता आहे, असे निम्म्याहून अधिक (५३ टक्के) प्रोफेशनल्स म्हणतात.
लिंक्डइनच्या जॉब सर्च सेफ्टी पल्समधील निष्कर्षांवरून दिसून येते की, रोजगार बाजारपेठेत फसवणुकीबाबत जागरूकता वाढत आहे. करिअरच्या सुरुवातीच्या टप्प्यावर असलेल्या तरुण प्रोफेशनल्ससाठी हा धोका अधिक गंभीर स्वरूपाचा आहे. जागरूकता वाढत असली तरी नवीन संधी मिळवण्याच्या दबावामुळे अनेकदा सावधगिरीकडे दुर्लक्ष केले जाते.
भारतातील ८२ टक्के प्रोफेशनल्स आता नोकरीच्या वैधतेबद्दल प्रश्न विचारण्यासाठी सावधगिरी बाळगतात, तरीही जेन झी पिढीला सर्वाधिक धोका आहे; यातील जवळपास निम्म्या (४९ टक्के) तरुणांनी मान्य केले आहे की ते फसवणुकीच्या जाळ्यात अडकता अडकता वाचले आहेत.
भारतातील निम्म्याहून अधिक (५३ टक्के) प्रोफेशनल्स आता नोकरीच्या जाहिरातीमधील फसवणुकीवर प्रश्नचिन्ह उपस्थित करण्याची अधिक शक्यता आहे.
नोकरी शोधणाऱ्यांसाठी टिप्स :
● सुरुवातीच्या संवादावेळी थोडे थांबा, नोकरीची ऑफर किंवा आलेले मेसेजेस खूप घाईघाईचे किंवा अस्पष्ट वाटत असतील, तर त्वरित निर्णय न घेता विचार करा.
● नोकरीची जाहिरात कोणाकडून आली आहे हे तपासण्यासाठी कंपनीचे अधिकृत पेज, रिक्रूटरचे प्रोफाइल आणि त्यांच्या नावापुढील व्हेरिफिकेशन बॅज तपासा.
● प्लॅटफॉर्म सोडून इतरत्र जाण्याबाबत सावध राहा.
● संशयास्पद हालचालींची तक्रार करा, ज्यामुळे इतर सदस्यांचेही संरक्षण होण्यास मदत होईल.
जोखीम कमी करण्यासाठी...
शोध : बनावट खाती, फसवणूक करणारे मेसेजेस आणि खोट्या नोकरीच्या जाहिराती सदस्यांना दिसण्यापूर्वीच त्यांना सक्रियपणे प्रतिबंध करते. याचा परिणाम म्हणून शोधल्या गेलेल्या बहुतांश फसव्या हालचाली सदस्यांपर्यंत पोहोचण्यापूर्वीच थांबवल्या जातात.
पडताळणी : महत्त्वाच्या क्षणी विश्वासाचे स्पष्ट संकेत प्रदान करते. यामध्ये कंपन्या, रिक्रूटर्स आणि नोकऱ्यांची पडताळणी समाविष्ट आहे. लिंक्डइनच्या अंगभूत सुरक्षा संरक्षणात राहण्यासाठी लिंक्डइनवरून अर्ज करण्याची आणि संवाद साधण्याची सुविधा दिली जाते.
संरक्षण : लिंक्डइनने नोकरी शोधणाऱ्यांच्या सुरक्षिततेसाठी नुकतेच नवीन उपाय लागू केले आहेत. यामध्ये जास्त जोखीम असलेल्या नोकरीच्या जाहिराती देणाऱ्यांसाठी ओळखपत्राची पडताळणी अनिवार्य करणे, फसवणूक वाटणाऱ्या पोस्ट व कमेंट्सची दृश्यमानता कमी करणे आणि प्रगत स्पॅम फिल्टरिंग व डिटेक्शन सिस्टम यांचा समावेश आहे.