टोकियो : जपानच्या पश्चिम किनारपट्टीला बसलेल्या ७.६ तीव्रतेच्या भूकंपानंतर बुधवारपर्यंत नवीन वर्षाच्या दिवशी २०३ इतक्या मृत्यूची नोंद झाली आहे. त्यापैकी सात जणांचे मृत्यू हे निर्वासित शिबिरांमध्ये झाले आहेत. ते मृत्यू आजारपणामुळे वा जखमी स्थितीमुळे झाले आहेत, असे इशिकावा प्रीफेक्चरचे आपत्ती अधिकारी शिगेरू निशिमोरी म्हणाले. निशिमोरी म्हमाले की, हे सात मृत्यू थेट भूकंप, आग आणि चिखलामुळे झाले नाहीत. या भूकंपात जवळपास ३० हजारांची घरे नष्ट झाली आहेत किंवा ते असुरक्षित समजले गेले आहेत. ते शाळा आणि इतर तात्पुरत्या सुविधांमध्ये राहत होते. अगदी किरकोळ पाऊस आणि बर्फामुळेही भूस्खलन होऊ शकते जेथे एका आठवड्यापेक्षा जास्त काळ या प्रदेशात एक हजाराहून अधिक आफ्टरशॉकपासून जमीन सैल आहे. अर्धी कोसळलेली घरे सपाट होऊ शकतात.