नवी दिल्ली : शालेय शिक्षणातील सर्वोच्च संस्था असलेल्या 'नॅशनल कौन्सिल फॉर एज्युकेशनल रिसर्च अँड ट्रेनिंग'ला (एनसीईआरटी) केंद्र सरकारने अधिकृतपणे 'अभिमत विद्यापीठाचा' दर्जा बहाल केला आहे. या निर्णयामुळे आता एनसीईआरटीला स्वतःचे पदवी आणि पदव्युत्तर अभ्यासक्रम चालवण्याचा तसेच पदव्या प्रदान करण्याचा अधिकार प्राप्त झाला आहे.
या निर्णयांतर्गत एनसीईआरटीच्या अजमेर, भोपाळ, भुवनेश्वर, म्हैसूर आणि शिलाँग येथील प्रादेशिक शिक्षण संस्था भोपाळ येथील 'पंडित सुंदरलाल शर्मा केंद्रीय व्यावसायिक शिक्षण संस्था या प्रादेशिक संस्थांचाही समावेश असेल.