भुवनेश्वर : फूट पाडा आणि राज्य करा हे धोरण अवलंबणाऱ्या इंग्रजांना गणेशोत्सवाचा तिरस्कार वाटत असे. आजही समाजात फूट पाडण्यात मग्न असलेल्या सत्तेच्या भुकेल्यांना गणेशपूजनाचा त्रास होत आहे, अशा शब्दात पंतप्रधान नरेंद्र मोदी यांनी त्यांनी देशाच्या सरन्यायाधीशांच्या घरी केलेल्या गणेशपूजेनंतरच्या टीकेचा समाचार घेतला.
मी गणेशपूजेत सहभागी झालो म्हणून काँग्रेसचे लोक आणि तिची परिसंस्था संतप्त झाल्याचे तुम्ही पाहिलेच असेल, असे नमूद करत पंतप्रधानांनी, या लोकांनी कर्नाटकात गणपतीला तुरुंगात टाकले, असा हल्लाबोल केला.
गणेशोत्सव हा आपल्या देशासाठी केवळ श्रद्धेचा उत्सव नाही तर स्वातंत्र्य चळवळीत या उत्सवाने महत्त्वाची भूमिका बजावली होती, असेही मोदी यांनी सांगितले.