बंगळुरू : काँग्रेसचे नेते राहुल गांधी यांना माहानीच्या एका जुन्या प्रकरणात कर्नाटक उच्च न्यायालयाने दिलासा दिला आहे. भाजपच्या स्थानिक नेत्याने राहुल यांच्याविरोधात केलेली मानहानीची याचिका न्यायालयाने फेटाळून लावली आहे.

सदर प्रकरण कर्नाटक विधानसभा निवडणुकीच्या काळातील करप्शन रेट कार्ड या जाहिरातीशी संबंधित आहे. तत्कालीन भाजप सरकारवर आरोप करताना काँग्रेसने वृत्तपत्रांमध्ये जाहिराती दिल्या होत्या. यामध्ये भाजप सरकारने ४० टक्के कमिशन घेतल्याचा आरोप करण्यात आला होता. त्यामुळे भाजपची प्रतिम मलिन झाल्याचा दावा करून राहुल यांच्यासह काँग्रेसच्या इतर नेत्यांविरोधात मानहानीचा खटला दाखल करण्यात आला होता.

संबंधित जाहिरात ही राजकीय टीका होती, ती तक्रारदाराच्या वैयक्तिक प्रतिष्ठेला धक्का लावणारी ठरत नाही, असे न्यायालयाने नमूद केले. यापूर्वी कनिष्ठ न्यायालयाने याप्रकरणी समन्स बजावले होते, त्याला राहुल यांनी उच्च न्य्यालयात आव्हान दिले होते.