नवी दिल्ली : देशातील मोठी दूरसंचार कंपनी रिलायन्स जिओने येत्या ३ जुलैपासून पोस्टपेड, प्रीपेड प्लॅनच्या दरात वाढ करण्याची घोषणा केली आहे. कंपनीने १२ ते २७ टक्के वाढ जाहीर केली आहे. अडीच वर्षांनंतर ही दरवाढ करत असल्याचे कंपनीने म्हटले आहे.

कंपनीचा सर्वात छोटा रिचार्ज १५ वरून १९ रुपये (१ जीबी), ७५ जीबी पोस्टपेड प्लॅन ३९९ वरून ४४९ रुपये, ६६६ रुपयांचा अमर्यादित प्लॅन (८४ दिवस) ७९९ रुपये करण्यात आला आहे, तर वार्षिक रिचार्ज १,५५९, १,८९९ रुपयांवरून २,९९९ ते ३,५९९ रुपये झाले आहेत. या प्लॅनमध्ये ‘५ जी’ डेटा रोज २ जीबी मिळत आहे.

जिओचा सर्वात स्वस्त १५५ रुपयांचा प्लॅन १८९ रुपये, २०९ रुपयांचा प्रीपेड प्लॅन २४९ रुपये, २३९ रुपयांचा प्लॅन २९९ रुपये झाला आहे.