मुंबई : दाऊद इब्राहिमचा जवळचा सहकारी आणि अमली पदार्थ माफिया सलीम डोला याला मंगळवारी पहाटे एका विशेष विमानाने दिल्लीत आणण्यात आले. सुरक्षेच्या कारणास्तव ही संपूर्ण प्रक्रिया अत्यंत गोपनीय ठेवली गेली होती.
सध्या विमानतळावर गुप्तचर विभागाचे अधिकारी त्याची चौकशी करत असून, प्राथमिक चौकशीनंतर त्याला मुंबई पोलिसांच्या स्वाधीन केले जाण्याची शक्यता आहे.
'नार्कोटिक्स कंट्रोल ब्युरो'ने त्याच्यावर १ लाख रुपयांचे बक्षीस जाहीर केले होते आणि इंटरपोलने त्याच्याविरुद्ध 'रेड कॉर्नर नोटीस' देखील बजावली होती. अलिकडेच त्याला तुर्कीत अटक करण्यात आली होती व त्यानंतर त्याच्या प्रत्यार्पणासाठी कारवाई पूर्ण करण्यात आली.