राष्ट्रीय

...तर मोदीही मला संपवू शकत नाहीत!

राष्ट्रीय सचिव पंकजा मुंडे यांनी मंगळवारी एका कार्यक्रमात बोलताना केल्याने सर्वांच्याच भुवया उंचावल्या

वृत्तसंस्था

“मी जर जनतेच्या मनात असेन, तर मोदीही माझे राजकारण संपवू शकत नाहीत,” असे खळबळजनक वक्तव्य भाजपच्या राष्ट्रीय सचिव पंकजा मुंडे यांनी मंगळवारी एका कार्यक्रमात बोलताना केल्याने सर्वांच्याच भुवया उंचावल्या आहेत.

पंतप्रधान नरेंद्र मोदी यांच्या वाढदिवसानिमित्ताने सेवा पंधरवड्यानिमित्त अंबाजोगाई (जि. बीड) येथे आयोजित कार्यक्रमात पंकजा मुंडे आणि खासदार प्रीतम मुंडेंची विशेष उपस्थिती होती. या कार्यक्रमात पंकजा मुंडेंनी केलेल्या या विधानाची जोरदार चर्चा रंगू लागली आहे.

पंकजा मुंडे म्हणाल्या, “मोदींना वंशवादाचे राजकारण संपवायचे आहे. मीपण वंशवादाचे प्रतीक आहे. मला कुणी संपवू शकत नाही. मी जर जनतेच्या मनावर राज्य केले आणि जनतेच्या जीवनासाठी चांगले कार्य केले, तर मला मोदीही संपवू शकणार नाहीत.”

पंकजांचा भाव समजून घ्या - मुनगंटीवार

पंकजांच्या वक्तव्यावर भाजपचे मंत्री सुधीर मुनगंटीवार म्हणाले, “पंकजा मुंडेंच्या वक्तव्याचा भाव स्पष्ट होता की, वंशवादाचे राजकारण म्हणजे पिता मुख्यमंत्री आहे म्हणून कर्तृत्व नसताना मुलगा एखाद्या मंत्रिपदावर जातो किंवा पात्रता असो वा नसो, कुटुंबातील सदस्यांना पदे मिळतात, त्यांना फेवर केले जात असेल तर नरेंद्र मोदी हे वंशवादाच्या विरोधात आहेत; मात्र जर जनतेने निवडणुकीत स्थान आणि सन्मान दिला तर वंशवादाच्या बाहेर जाऊन जनतेत हे प्रतीक मिळू शकते, हा अर्थ त्यांच्या वक्तव्यातून प्रतिध्वनित होतो.”

ओला दुष्काळ जाहीर करण्यास मुख्यमंत्री फडणवीसांचा नकार; पण सर्व सवलती लागू, दिवाळीपूर्वी शेतकऱ्यांना मदतीचे आश्वासन

"२६/११ नंतर पाकिस्तानला प्रत्युत्तर देणार होतो, पण...; पी. चिदंबरम यांचा गौप्यस्फोट

Pakistan Blast : पाकिस्तान हादरले! क्वेट्टामध्ये आत्मघाती बॉम्बस्फोट, १० ठार, भयानक व्हिडिओ समोर

Dombivali : झोपेतच सर्पदंश! ३ वर्षांच्या चिमुकलीसह मावशीचा मृत्यू; KDMC रुग्णालयावर निष्काळजीपणाचा आरोप

पावसाची विश्रांती; पूरस्थिती कायम! पूरग्रस्त शेतकऱ्यांना हवा मदतीचा आधार; अतिवृष्टी, गारपीट, टंचाईग्रस्तांना जिल्हा वार्षिक निधीतून मदत