तरुण तेजपाल यांना दहा वर्षांची सक्तमजुरी (संग्रहित छायाचित्र)
राष्ट्रीय

तरुण तेजपाल यांना दहा वर्षांची सक्तमजुरी

मुंबई उच्च न्यायालयाच्या गोवा खंडपीठाने गुरुवारी ‘तहेलका’चे माजी संपादक तरुण तेजपाल यांना २०१३ मधील सहकाऱ्यावरील बलात्कार प्रकरणात दोषी ठरवले आहे.

Swapnil S

पणजी : मुंबई उच्च न्यायालयाच्या गोवा खंडपीठाने गुरुवारी ‘तहेलका’चे माजी संपादक तरुण तेजपाल यांना २०१३ मधील सहकाऱ्यावरील बलात्कार प्रकरणात दोषी ठरवले आहे. उच्च न्यायालयाने ५ वर्षांपूर्वी गोवा सत्र न्यायालयाने दिलेल्या तेजपाल यांच्या निर्दोष मुक्ततेचा निर्णय रद्दबातल ठरवला आणि त्यांना १० वर्षांच्या सश्रम कारावासाची शिक्षा सुनावली.

न्या. नीला गोखले आणि न्या.अमित जमसांडेकर यांच्या खंडपीठाने सुरुवातीला तेजपाल यांना दोन आठवड्यांत शरण येण्याचे निर्देश दिले होते. परंतु, त्यांच्या वकिलांच्या विनंतीनंतर न्यायालयाने ही मुदत चार आठवड्यांपर्यंत वाढवून दिली आहे.

न्यायालयाने किमान शिक्षेची तरतूद लागू करताना स्पष्ट केले की, ही घटना १३ वर्षांपूर्वी घडली होती आणि त्यानंतर तेजपाल यांनी कोणताही नवीन गुन्हा केलेला नाही. दोन्ही पक्षकार (पीडिता आणि तेजपाल) आता आयुष्यात पुढे गेले असण्याची शक्यता आहे, असे निरीक्षणही न्यायालयाने नोंदवले.

शिक्षेसोबतच न्यायालयाने तेजपाल यांना १०,२१,००० रुपयांचा दंड ठोठावला आहे. ही संपूर्ण दंडाची रक्कम पीडितेला भरपाई म्हणून दिली जाईल. न्यायालयाने म्हटले की, लैंगिक अत्याचाराची शिकार झालेल्या पीडितेला या दंडाची संपूर्ण रक्कम हस्तांतरित करण्यात यावी.

आपण या निर्णयाविरोधात सर्वोच्च न्यायालयात दाद मागणार आहोत असे तरुण तेजपाल यांनी म्हटले आहे

(इंग्रजी बातमी वाचण्यासाठी येथे क्लिक करा.)

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

दिल्लीत पुन्हा इमारत कोसळली; चिमुकल्यासह दोघांचा मृत्यू, अनेक जण ढिगाऱ्याखाली अडकल्याची भीती, बचावकार्य सुरू

Mumbai : विरार-चर्चगेट लोकलमध्ये राडा; दोन प्रवाशांच्या भांडणात भिरकावलेला चाकू लागून भलताच प्रवासी जखमी, आरोपी अटकेत

उत्तराखंडमध्ये भीषण अपघात! पुलावरून बस थेट १०० मीटर खोल दरीत कोसळली; ८ जणांचा मृत्यू, २६ जखमी

कचऱ्यावर प्रक्रिया करा वा पैसे भरा! पात्र बल्क वेस्ट जनरेटर्ससाठी प्रतिमहिना २३५ रुपये प्रस्तावित; मुंबई महापालिकेची माहिती