कर्मचारी पेन्शन योजनेतून (ईपीएस) उच्च निवृत्ती वेतनासाठी अर्ज करण्याची अंतिम तारीख सोमवारी, २६ जून २०२३ होती. ही मुदत आता वाढवण्यात आली असून ११ जुलैपर्यंत करण्यात आली आहे. अर्जदारांना ‘ईपीएफओे’ ​​पोर्टलद्वारे अर्ज सादर करण्यात अनेक तांत्रिक अडचणी येत असल्याने ही मुदत पुन्हा वाढवण्यात आली आहे. उच्च पेन्शनसाठी अर्ज करण्याची मूळ मुदत ३ मार्च होती, जी दोनदा वाढवण्यात आली. आधी ३ मे आणि नंतर ती २६ जूनपर्यंत वाढवण्यात आली होती. आता ती पुन्हा वाढवण्यात आली आहे.