नवी दिल्ली : अब्जाधीश अनिल अगरवाल यांचा खाण उद्योग ‘आर्थिकदृष्ट्या टिकाऊ नसलेले आणि कर्जदारांसाठी गंभीर धोका निर्माण करणारा असल्याचा आरोप अमेरिकेतील शॉर्ट सेलर व्हाईसरॉय रिसर्चने बुधवारी एक अहवाल प्रसिद्ध करुन केला. या आरोपांना समूहाने चुकीची माहिती आणि निराधार असल्याचे म्हणत आरोप फेटाळले.
व्हाईसरॉय रिसर्चने ८५ पानांचा अहवाल प्रसिद्ध करताना म्हटले की, ते मुंबई-सूचीबद्ध वेदांत लिमिटेडची मूळ कंपनी आणि मालक वेदांत रिसोर्सेसचे कर्ज कमी करत आहेत. कर्ज कमी करणे, ज्याला बाँड्सची कमी विक्री असेही म्हणतात, ही एक व्यापारी रणनीती आहे जिथे गुंतवणूकदार बाँड्स किंवा इतर कर्ज साधनांच्या किमतीत घट झाल्यामुळे नफा मिळवण्याचा प्रयत्न करतो. त्यामध्ये बाँड उधार घेणे, ते सध्याच्या बाजारभावाने विकणे आणि नंतर कर्जदात्याला परत करण्यासाठी संभाव्य कमी किमतीत ते परत खरेदी करत नफा मिळवणे यांचा समावेश आहे.
वेदांतचे शेअर्स सुमारे ८ टक्क्यांनी घसरले
अमेरिकेतील शॉर्ट सेलर व्हाईसरॉय रिसर्चने अब्जाधीश अनिल अगरवाल यांच्या वेदांत समूहाला ‘आर्थिकदृष्ट्या टिकाऊ नसलेले’ आणि कर्जदारांसाठी गंभीर धोका निर्माण करणारे असल्याचा आरोप करणारा अहवाल प्रसिद्ध केल्यानंतर बुधवारी वेदांत लिमिटेडचे शेअर्स जवळजवळ ८ टक्क्यांनी घसरले. बीएसईवर हा शेअर ७.७१ टक्क्यांनी घसरून ४२१ रुपयांवर आला. एनएसईवर तो ७.८१ टक्क्यांनी घसरून ४२०.६५ रुपयांवर आला. परंतु नंतर, हा शेअर काही प्रमाणात सावरला पण बीएसईवर ३.३८ टक्क्यांनी घसरून ४४०.८० रुपयांवर आला. मुंबईतील सूचीबद्ध वेदांत लिमिटेडची मूळ कंपनी आणि बहुसंख्य मालक असलेल्या वेदांत रिसोर्सेसच्या कर्जाच्या बोजा कमी करत असल्याचे व्हाईसरॉयने ८५ पानांचा अहवाल प्रसिद्ध केला.