मुंबई : मध्य रेल्वेद्वारा डेडिकेटेड फ्रेट कॉरिडॉर कॉर्पोरेशन (डीएफसीसी) प्रकल्पाच्या अनुषंगाने, ११० मीटर लांबीच्या वेब गर्डर उभारणीसाठी पनवेल-कळंबोली दरम्यान अप व डाऊन मुख्य मार्गांवर विशेष ट्रॅफिक व पॉवर ब्लॉक्स घेण्यात येणार आहेत. या ब्लॉक्सच्या अनुषंगाने खालीलप्रमाणे आणखी लहान ब्लॉक्सही परिचालित करण्यात येणार आहेत.
पनवेल येथे सबवे बांधकामासाठी रेल्वे मार्गाखाली तात्पुरता स्टील गर्डर बसविण्यासाठी ट्रॅफिक व पॉवर ब्लॉक, पनवेल स्थानकावर पादचारी पूल बांधकामासाठी गर्डर उभारणीचे काम, पनवेल-कर्जत विभागात पादचारी पूल तोडण्यासाठी ट्रॅफिक व पॉवर ब्लॉक घेतला जाईल.
२५ व २६ (रविवार/सोमवार मध्यरात्री) रोजी कळंबोली-पनवेल दरम्यान, रात्रौ ०१.२० ते ०५.२० वाजेपर्यंत (४ तास) पॉवरब्लॉक घेतला जाईल.
मडगाव जं.- छत्रपती शिवाजी महाराज टर्मिनस कोकण कन्या एक्स्प्रेस सोमटणे स्थानकावर पहाटे ३.५२ ते ५.२० वाजेपर्यंत थांबवली जाईल.