चकोल्या किंंवा वरणफळ हा सकाळी झटपट होणारा नाश्ता आहे. विशेष करून तुरीच्या डाळीत बनवला जाणारा हा पदार्थ आहे. मात्र मुगाच्या डाळीचे किंवा मिक्स डाळींच्या वरणातही हा पदार्थ करता येतो. हा पौष्टिक असून जीभेला उत्तम चव आणतो. गव्हाच्या पीठाच्या चपात्या लाटून त्याच्या छोट्या कापण्या वरणात उकळून त्याला फोडणी देऊन हा पदार्थ बनवता येतो. घावण किंवा घावणे हा एक रुचकर पदार्थ आहे. जो सकाळच्या नाश्त्यासाठी अगदी उत्तम आहे. खोबऱ्याच्या चटणीसोबत हे खातात बेसणपोळी किंवा चिले सकाळी झटपट होणाऱ्या नाश्त्यांच्या पदार्थांपैकी एक आहे. यामध्ये टोमॅटोचा रस टाकून तुम्ही टोमॅटो ऑमलेट देखील बनवू शकता किंवा एक दिवस बेसण पोळी दुसऱ्या दिवशी टोमॅटो ऑमलेट असेही ट्राय करू शकता. रव्याचे ढोकळे हा एक स्वादिष्ट पदार्थ तुम्ही नाश्त्यात बदल म्हणून करू शकता. रात्री ताकात रवा भिजत घालून सकाळी झटपट रव्याचे ढोकळे करता येतात.हिरव्या मुगाचे धिरडे- हे आरोग्यासाठी अतिशय पौष्टिक असतात. दहीसोबत हे हिरव्या मुगाचे धिरडे अतिशय चवीष्ट लागतात. हिरवे मूग एकदाच दळून आणून ठेवल्यास कधीही सकाळी हा झटपट नाश्ता करता येतो. मोड आलेल्या हिरव्या मुगाची उसळ ही ब्रेड-पाव-चपातीसोबत खाता येते. मोड आलेल्या मुगाची उसळ ही पौष्टिक देखील असते. एखाद्या वेळी सकाळी काहीतरी छान झणझणीत खावेसे वाटत असेल तर ही मुगाची ऊसळ करावी. थेपले हा देखील सकाळी झटपट होणारा नाश्ता आहे. आंबट-गोड चटणी सोबत थेपले खूप रुचकर लागतात.'आलू पराठा' सकाळच्या नाश्त्यासाठी काहीतरी वेगळे करायचे आहे असे वाटल्यास आलू पराठा हा एक चांगला पर्याय आहे.