Photo : X (BCCI)
क्रीडा

IND vs ENG 2025 : कर्करोगाशी झुंज देणाऱ्या बहिणीला विजय समर्पित - आकाश दीप

भारताच्या विजयात मोलाची भूमिका बजावणाऱ्या आकाशने हा विजय त्याच्या बहिणीला समर्पित केला. आकाशची बहीण ज्योती गेल्या काही महिन्यांपासून कर्करोगाशी झुंज देत आहे. २०१५मध्ये आकाशचे वडील रामजी आणि भाऊ यांचे सहा महिन्यांच्या कालावधीत निधन झाले होते. त्यानंतर आई आणि बहिणीनेच आकाशला क्रिकेटपटू बनण्यासाठी प्रेरित केले व त्याचा सांभाळ केला.

Swapnil S

बर्मिंगहॅम : भारताच्या विजयात मोलाची भूमिका बजावणाऱ्या आकाश दीपने हा विजय त्याच्या बहिणीला समर्पित केला. आकाशची बहीण ज्योती गेल्या काही महिन्यांपासून कर्करोगाशी झुंज देत आहे. २०१५मध्ये आकाशचे वडील रामजी आणि भाऊ यांचे सहा महिन्यांच्या कालावधीत निधन झाले होते. त्यानंतर आई आणि बहिणीनेच आकाशला क्रिकेटपटू बनण्यासाठी प्रेरित केले व त्याचा सांभाळ केला.

“मी कुणालाही याविषयी फारसे सांगितले नाही. मात्र हा विजय मी माझ्या बहिणीला समर्पित करू इच्छितो. ती सध्या इस्पितळात असून कर्करोगाशी झुंज देत आहे. इंग्लंड दौऱ्यापूर्वी मीसुद्धा तिच्यासोबत राहून तिची काळजी घेत होतो. मात्र संघात निवड झाल्यावर मी येथे आलो. माझ्या बहिणीने मला कारकीर्दीत इथवर मजल मारण्यासाठी फार मदत केली आहे,” असे आकाश म्हणाला.

आकाशच्या बहिणीनेसुद्धा यावर प्रतिक्रिया व्यक्त केली आहे. आकाश टीव्हीवर इतक्या उघडपणे जाहीर करेल, असे आपल्याला वाटले नव्हेत, असे ज्योती म्हणाली. मात्र तिने आकाशला खेळावरच लक्ष केंद्रित करण्याचे सुचवले. तसेच लवकरच आपण या आजारातून सावरून तुझा सामना पाहण्यासाठी स्टेडियममध्ये येऊ, असा संदेश ज्योतीने आकाशला दिला.

आकाश हा इंग्लंडमध्ये कसोटीत १० बळी घेणारा दुसराच गोलंदाज ठरला. चेतन शर्मा यांनी १९८६मध्ये अशी कामगिरी केली होती. पहिल्या कसोटीतच प्रसिध कृष्णाच्या जागी आकाशला संधी मिळायला हवी होती, असे अनेकांचे म्हणणे होते. आता तिसऱ्या कसोटीत बुमरा परतल्यावर आकाश, सिराज व बुमरा यांचे त्रिकुट लॉर्ड्सवर इंग्लंडच्या फलंदाजांना नक्कीच हैराण करेल, अशी भारतीय चाहत्यांना आशा आहे.

बोलणी फिस्कटली; आंदोलन सुरूच! मनोज जरांगे-शिंदे समिती यांच्यातील चर्चा निष्फळ, हैदराबाद गॅझेट लागू करण्यास सरकारची तत्त्वतः मंजुरी

रेल्वे स्टेशनमध्ये दोन दिवस राहा फक्त दहा रुपयांत...आंदोलकांच्या व्हॉट्सअपवर मेसेज व्हायरल, वाशीतील एक्झिबिशन सेंटरमध्ये व्यवस्था

मराठा आंदोलकांनी केला चक्काजाम; जरांगे-पाटील यांच्या आवाहनानंतर रस्ता मोकळा

इशाऱ्यानंतर पालिका प्रशासनाचे नमते! फिरत्या शौचालयासह पुरवल्या इतर सुविधा; आंदोलकांसाठी पाण्याचे टँकर्सही अखेर उपलब्ध

Maratha Reservation Protest : मुंबईच्या रस्त्यांवर संगीत, नृत्य आणि कठपुतळीचा नाचही!