पॅरिस भारतीय कुस्तीपटू विनेश फोगट हिला ऑलिम्पिक स्पर्धेच्या अंतिम फेरीत खेळण्यासाठी अपात्र ठरवण्यात आल्यानंतर तिने क्रीडा लवादाकडे केलेली याचिका फेटाळण्यात आली आहे. त्यामुळे रौप्यपदक मिळवण्याच्या विनेशच्या आशा संपुष्टात आल्या असून तिच्या पदरी पदकाऐवजी निराशा आली आहे. २९ वर्षीय विनेशला बुधवारी अंतिम फेरीआधी झालेल्या वजन तपासणीवेळी १०० ग्रॅम वजन अधिक आढळून आल्यामुळे संपूर्ण स्पर्धेतून अपात्र ठरवण्यात आले होते.