लंडन : भारताचा महान क्रिकेटपटू सचिन तेंडुलकरला गोलंदाजी करणे कारकीर्दीत सर्वाधिक आव्हानात्मक असल्याचे मत इंग्लंडचा वेगवान गोलंदाज जेम्स अँडरसनने व्यक्त केले. ४१ वर्षीय अँडरसन सध्या वेस्ट इंडिजविरुद्ध लॉर्ड्स येथे अखेरची कसोटी खेळत आहे.

“माझ्या मते तरी सचिन तेंडुलकर सर्वोत्तम फलंदाज आहे. त्याच्याविरुद्ध गोलंदाजी करणे आव्हानात्मक होते. सचिनला तुम्ही खराब गोलंदाजी करूच शकत नाही. त्याच्यावर संपूर्ण भारतीय संघ अवलंबून होता. सचिनला बाद केल्यावर स्टेडियममध्ये वेगळेच चित्र असायचे,” असे अँडरसन म्हणाला.