नवी दिल्ली : अंतिम फेरीत पोहोचूनही पदक जिंकता न आल्याचे दु:ख विनेश फोगटला पचवता आले नाही. ५० किलोपेक्षा जास्त वजन भरल्याने तिला अपात्र ठरवण्यात आले. हा निर्णय ऐकताच विनेशला त्याचा मोठा धक्का तिला बसला. बेशुद्ध झाल्याने विनेश फोगट हिला पॅरिसमधील रुग्णालयात दाखल करण्यात आले. भारतीय ऑलिम्पिक संघटनेच्या (IOA) अध्यक्ष पीटी उषा यांनी बुधवारी संध्याकाळी रुग्णालयात जाऊन विनेशच्या तब्येतीची विचारपूस केली तसेच तिचे सांत्वन केले. विनेशनेही आपण शूर असल्याचे दाखवले, पण चेहऱ्यावर हास्य असतानाही तिला निराशा लपवता आली नाही.

विनेश फोगटच्या अपात्रतेबद्दल भारतीय ऑलिम्पिक संघटनेच्या अध्यक्ष पीटी उषा म्हणाल्या की, “आम्ही आमचे सर्वोत्तम प्रयत्न करत आहोत. मी जागतिक कुस्ती महासंघाच्या अध्यक्षांनाही भेटणार आहोत. विनेश ही गोल्ड आहे. ती लवकरच या परिस्थितीतून सावरेल, अशी आशा आहे.”